هتنام و مش هتظبط المنبه عشان تنزل تقابلك. قالتلك صحينى لما تصحى عشان نتقابل و هى عارفة انك مش هتصحيها و مش هتحاول تصحى هى عشان تعبت من انها تحاول تقربلك و زهقت انها كل ما تاخد هى خطوة ترجع انت اتنين
فاض بيها خلاص و مبقتش عايزة تحاول عشانك عشان انت عمرك ما حاولت عشانها عمرك ما حبيتها زى ما حبتك حبك كان كله كلام من غير فعل و هى محتاجة فعل محتاجة حضن محتاجة كلمة حنينة .. محتاجاك بس للأسف انت عمرك ما كنت موجود
انت مجرد خيال مأته شاغل مساحة بس مبتعملش حاجة مبتتحركش واقف تتفرج عليها و هى بتكسر حتت فيها عشانك
بس خلاص .. مبقاش فاضل فيها حاجة تتكسر. مبقتش عايزاك مش هتستنى مكالمتك مش هتطلب تقابلك الكرة دلوقتى عندك يا تمسك فيها و متسبهاش تمشى يا هتخسرها للأبد و متلومش الا نفسك
انت اللى محبتش بضمير انت اللى مقدرتش و انت اللى مش هتعرف تعوضها
تصبح على خير و على قلب بيحس و عقل بيقدر
No comments:
Post a Comment